Rayon Sport yabuze igikombe hakiri kare
Ku munsi w’ejo ubwo ikipe ya Rayon Sport yakiniraga kuri stade amahoro n’ikipe ya APR FC , byagaragaye ko yabuze igikombe hakiri kare , itsindwa icya mbere ikigera mu kibuga ,maze abafana batangira gucika intege.
Ibi byagaragariye aho ku munota wa kane gusa APR FC yayikubise igitego gishyushye abakinnyi ba Rayo Sport bakiri bagihuzagurika mu kibuga bayoberwa uko bigenze .Iki gitego cyatsinzwe na Djibril Quattara, kikaba cyahise gica intege abakinnyi ba Rayon Sport ,ku buryo bwagaragariraga abafana.
Bidatinze ku munota wa 29 NSHIMIYIMANA wa APR FC yihutanye na BARAFINDA banyarutse bihuta cyane , uyu musore ahita ashyiramo ikindi gitego kihuse , Rayon Sport iba irarangiye, abafana bamwe batangira kugira amarangamutima y’agahinda babona batsinzwe byihuta , aho bamwe batangiye kuyagaragariza mu mvugo zabo zumvikanaga mu matwi zitandukanye .Bamwe bati :” akagaga kagwirira abagabo, abandi nabo ngo turagihushije sha, ikipe ya rayon ndayikunda ariko inteye agahinda igeze mu marembera……….
Ikipe ya Rayon Sport yakoze iyo bwabaga ngo irebe ko yakishyura ariko birangira amahirwe atayisekeye , umukino urangira itsinzwe ibitego bibi ku busa 2-0 ari nabyo byavuzwe n’abatandukanye ko bishobora kuba biyahaye amahirwe ikipe ya APR FC kuzatwara igikombe.
Ikipe ya Rayons Sport yagumye ku mwanya wa kabiri n’amanota 45 aho inganya na Musanze FC naho APR FC ikaba ifite amanita 58 inayoboye urutonde rwa shampiyona.
Uyu mukino wari wahuruje benshi ,aho stade amahoro yakira abagera mu bihumbi 45 ariko yari yakubise yuzuye . Hagaragaragamo abantu b’ingeri zose baturutse imihanda yose , harimo abagore ,abagabo abana bakuru ndetse n’abato bari bateruwe n’ababyeyi babo .
About The Author
